「邪惡在維多利亞的月光下，血色的開場。」
麻辣係一種具有萬惡引力既令你不斷想食過返尋味，
睇住佢鮮紅色既湯底，每一啖味蕾既衝擊，
已經忘記左你果刻究竟係快感定係辛辣。
呢種無窮無盡既慾望，就係我第四次堅持要去
「渝味曉宇重慶老火鍋」探訪既原因。👇
-
📌雙拼 · 鴛鴦鍋 - $38(位)
▪ 重慶辣大紅鍋 -
▪ 大骨滋補鍋 -
▫ 每次去到例牌都會送上一碗雪耳紅棗糖水，
窩心之餘仲可以幫你滋潤一下喉嚨，等之後既
麻辣衝擊力無咁大。而今次試左個鴛鴦鍋底，
大紅鍋就認真重麻香啦，等滾左一陣之後已經
Feel到佢果種辛辣感非常重，功力少d都會
係咁打乞嗤呀，辣得過癮；而豬骨鍋亦相當足料，
分別落左紅棗、紅蘿蔔、馬蹄、粟米，
入口清甜，濃淡適中，晚市就算收費
都係好抵食呀！
-
📌曉宇 · 十大必點 -
▪ 美國安格斯 · 優質肥牛 - $119 (半份)
▫ 肥牛就梗咖啦，每次必點之一，質素一向
都係呢到既保證。就咁睇紋理清晰均勻，肉質嫩滑；
放入湯底10秒內必定要拎返上黎，如果唔係
就失去左原有既味道。而食落牛味濃郁，
無論配搭辣定唔辣既湯底，都一樣咁甘香入味。
-
▪ 稻田 · 毛肚 - $62 (半份)
▫ 第二次必點之一就係佢地既毛肚，份量比
出面火鍋店更加大塊，屬於黑毛肚之一。
基本上輕輕灼一灼都係可以放入口咖啦，
食落爽彈無比，比普通既毛肚更加煙韌，
認真好食！
-
📌葷 菜 -
▪ 曉宇手打 · 三寶丸 - $49 (半份)
▫ 招牌三寶丸一次過食哂蝦丸、牛丸、
墨魚丸，每一款都係以手打見稱，所以食落
更加爽口彈牙。而我最鍾意當然係墨魚丸啦，
咬落豐富鮮甜味，仲帶少少膠質感，唔錯。
-
▪ 鮮 龍 躉 片 - $72 (半份)
▫ 整返碟龍躉片絕對不意外呀，魚肉片得夠
晶瑩剔透薄，賣相睇非常新鮮。食落口感
有口感鮮嫩，而且邊位魚味特別濃郁，我幾鍾意。
-
▪ 珊 瑚 蚌 - $66 (半份)
▫ 同桂花蚌既分別係入口更加鮮甜，我建議
稍微灼一灼就食得，唔再要灼太熟，反而
無左本身果種爽脆質感。
-
▪ 曉宇 · 苕粉 - $29(半份)
▫ 最後必點既曉宇苕粉，賣相睇落好似薯粉，
其實口感更加爽滑。淥熟左之後會見到明顯既
透明質感，而且仲非常Q彈，會食極都唔夠喉呀。
-
📍 渝味曉宇重慶老火鍋
🎈灣仔皇后大道東202號QRE Plaza 6樓
Search